🤦🏻‍♀️🤦🏻‍♂️.الحلقة الثانية والأربعون | طريقي أو طريق الله؟ سؤال العناد الذي ضيّعنا

هل قد صار إصرارك على شيء يتحول فجأة إلى عناد؟
مو لأنك مقتنعة إنه الصح، لكن لأنك خلاص ما تبين تتراجعين؟

في هذي الحلقة نتكلم عن الفرق بين الثبات والعناد، وكيف أحيانًا نتمسك بطريق معيّن فقط لأننا رسمناه في بالنا، حتى لو الحياة قاعدة تفتح لنا أبواب ثانية.

نتكلم عن تجربة تعلّم اللغة الإنجليزية، وعن اختلاف اللهجات، وعن فكرة إن اللغة مو ساحة تثبت فيها نفسك، قد ما هي أداة تواصل وفهم وانفتاح على الناس. ونتكلم بعد عن التخصصات والاهتمامات اللي ممكن تتغيّر مع الوقت، وكيف مو لازم يكون تغييرك دليل إنك ضايعة، أحيانًا يكون دليل إنك قاعدة تعرفين نفسك أكثر.

نمر كمان على هوس الكمال، والرغبة إن كل شيء يطلع كامل من أول مرة، وكيف هالشي ممكن يوقفنا بدل ما يساعدنا. لأن مو كل تحسين صحي، ومو كل ضغط على النفس يعتبر انضباط.

ونشارك بعض الأشياء البسيطة اللي فعلًا تصنع فرق: نوم أهدى، جدول أوضح، خطوات صغيرة، واستمرار حتى لو الإنجاز ما كان ضخم.

وفي وسط كل هذا، يبقى السؤال:
هل أنا قاعدة أمشي بطريقي فقط؟
ولا فعلًا تاركة مساحة لطريق الله؟

لأن التوكّل مو إنك توقفين المحاولة، والتسليم مو إنك تتخلين عن مسؤوليتك.
التوكّل إنك تسوين اللي عليك، وتتركين اللي مو بيدك لله.

إذا أنتِ في مرحلة تحاولين فيها تطورين نفسك، أو تبنين مشروع، أو حتى تفهمين وش الخطوة الجاية، يمكن هذي الحلقة تعطيك مساحة تشوفين الموضوع بطريقة أهدى.

من القلب للقلب… شاركني إحساسك بعد ما تسمع الحلقة

Support the show

📲 على وسائل التواصل الاجتماعي تلاقوني:

Instagram: https://www.instagram.com/fromheartpod/#

TikTok: https://www.tiktok.com/@fromheartpod?is_from_webapp=1&sender_device=pc

YouTube: @MnAlgalb.Podcast

Spotify: اضغط هنا للاستماع

Apple Podcasts: اضغط هنا للاستماع

🎧 لا تنسى تشترك في البودكاست وتفعل التنبيهات عشان توصلك الحلقات الجديدة أول بأول 💌