Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! “HEBDÓMADA PAPAE” NOTÍTIAE VATICÁNAE LATÍNE RÉDDITAE Die duodevicésimo mensis Ianuárii anno bismillésimo vicésimo quinto
TÍTULI
Die praetérito domínico, in festo Baptísmatis Dómini, post Angélicam Salutatiónem Póntifex ait: “vultus est contemplándus et Dei vox”. Die quinto décimo mensis Ianuárii párvulis álteram anni Audiéntiam dicávit Póntifex: “Nemo minor abúsus pati debet”. Ex hac hebdómada apud tabérnam libráriam Pontíficis repéritur vitae narrátio, cúius títulus “Spera”.
Salútem plúrimam ómnibus vobis auscultántibus núntios Latínos dicit Eugénius Murrali. NOTÍTIAE Cum festívitas celebrarétur Baptísmatis Dómini, Angélicae Salutatiónis témpore, in Petriáno Foro quaedam de huius sacraménti laetítia dixit Papa Francíscus, cum ipse mane unum et vigínti infántes in Sixtíno sacéllo sacro lávacro ábluit. Refert Catharína Agorelius. «Tu es Fílius meus diléctus; in te complácui mihi» (Lc 3,22). Haec Dei est vox quae die pérsonat quo a Ioánne Christus baptizátur. Témpore illo – addit Póntifex - «Spíritus manifestátur atque Dei fit Epiphanía, qui in fílio suum osténdit vultum et suam vocem exaudiéndam curat». Fidéles est hortátus Póntifex ut ex se quǽrerent an a Deo se amári animadvérterent, an eius vultum in frátribus agnóscere, an eius vocem audíre valérent. Ómnibus suásit ut próprii baptísmi diem in adversáriis scríberent. Post Angélicam Salutatiónem recitátam párvulos memorávit, ministrórum Vaticanórum ac custódum Helveticórum fílios, qui páulo ante in Sixtíno sacéllo Baptísmi lavácro sunt ablúti. Ipsis paréntes et Ecclésia “fidem dono dant, quod máximum est donum”. Suam ínsuper proximitátem osténdit regióni Angelórum incéndio exústae. Ántequam discéderet Ioánnem Merlini presbýterum memorávit, in Beatórum album relátum, atque pacem invocávit. Áltera anni Audiéntia Generális, apud Páuli sexti áulam, púeris dicátur, qui “amatíssimi a Patre sunt ómnium”, sicut harum catechésium continuatárum títulus ostendit. De eórum aegritudínibus disséruit Póntifex, quóniam abúsus patiúntur et quǽstui nonnúmquam habéntur. Refert Alexánder De Carolis. “Abúsus minórum cuiúsque géneris sórditum est quiddam et immánis actus. Nemo minor abúsus pati debet. Unus tantum casus est útique nimis”. Eláta sunt verba, quibus damna effert Francíscus Papa in púeros illáta: óperum minórum quaestus, coniúgia impósita, commércium servíle usque ad meretrícium et obscenitátes, raptus membrórum mercandórum cáusa. Éxtulit exínde misériae efféctus, qui ad quaedam illícita et abiciéntia adolescéntes perdúcit: “Latíssimae paupertátes, sociália instruménta deficiéntia in famílias iuvándas, sociális remótio novíssimis tempóribus áucta una cum ópere carénte eóque incérto, sunt quaedam quae in párvulos exónerant maius prétium solvéndum”. A fidélibus postulávit Póntifex ut coram sociáli iniquitáte cónscii ágerent, ne res émerent ex minórum opéribus oriéntes. Natiónum quoque potestátum offícii consciéntiam concitávit atque diurnários est hortátus ut hanc quaestiónem noscéndam curárent. Catechésis sub finem orátur pro illórum conversióne qui armaménta conflant ac pro iis qui ob terrae lapsum Hpakant, in Myanmar, interiérunt. Dénique circi Rony Roller ludus éditur. NOTITIAE BREVISSIMAE
A die Martis quarto décimo mensis Ianuárii apud tabérnas librárias Pontíficis vitae repéritur narrátio, quam una cum Cárolo Musso ipse scripsit, cuius títulus est “Spera”, congruénter cum Iubilǽo. Scriptum eódem témpore in plúribus terrárum orbis Natiónibus foras est datum. Haec dícere sat est. Eventúra, próxima hebdómada. ### 18. Januar 2025
DIE SCHLAGZEILEN
Letzten Sonntag, am Fest der Taufe Jesu, der Angelus des Papstes: „Betrachtet das Antlitz und die Stimme Gottes“. Am 15. Januar widmete der Papst die zweite Generalaudienz des Jahres den Kindern: „Kein Kind darf missbraucht werden“. Seit dieser Woche ist die Biographie des Papstes „Hoffnung“ im Buchhandel erhältlich.
Eugenio Murrali heißt Sie alle herzlich willkommen und freut sich darauf, die Nachrichten wieder auf Latein zu sprechen.
DIE BEITRÄGE
Anlässlich des Festes der Taufe Jesu hat Franziskus den Angelus auf dem
