تابع برامجك المفضلة، واستمع دون اتصال وفي السيارة عبر CarPlay و Android Auto، وأكمل دائمًا من حيث توقفت. جرّبه مجانًا.
كيف تحمي حالك من حالك؟ يمكن تحسها غريبة شوي، بس صدقني أوقات بنكون إحنا اللي عم نأذي حالنا بدون ما نحس. ممكن تكون هاي التصرفات جزء من طريقة تفكير تعودنا عليها، أو أشياء مرّينا فيها بحياتنا.
عشان أقدر أحمي حالي من نفسي، لازم أول إشي أكون واعية إنو العقل ممكن يكون معي وممكن يكون ضدي بنفس الوقت. العقل بطبيعته بحب يحافظ على استقراره، فبقاوم أي تغيير بحس إنو ممكن يهدده. يعني حتى لو أنا ناوية أتغير للأحسن، ممكن ألاقي مقاومة داخلية، كأنو عقلي بيشتغل ضدي. الوعي بهاي البرمجات والمعتقدات هو أول خطوة عشان أقدر أتجاوزها. لما أبلش أكون منتبهة إلها، بقدر أشتغل على إصلاحها وأقوي وعيي.
معرفتي بحالي بتساعدني أفهم تصرفاتي ومشاعري، خصوصًا اللي ممكن تكون مرتبطة بالتدمير الذاتي. مثلًا، لو حسيت بإحباط من صديق تأخر عن موعد، بس ما عبرت عن مشاعري، ممكن يكون السبب تجارب قديمة أو معتقدات ترسخت جواي. لما أرجع وأفكر بتجاربي وردود فعلي، بصير أقدر أشتغل على تغيير هالأنماط السلبية.
بهالتسجيل غطيت نقاط أساسية بتأثر علينا كل يوم، ويمكن نكون مش منتبهين إلها. إذا حاب تكمل رحلة الوعي والتغيير معي، استنّى التسجيلات الجاي، لأنه في كتير مواضيع عميقة رح نحكي فيها.
إذا كنت جاد في رحلة التشافي، وتحرير نفسك من الأنماط المتكررة، والتشافي العميق من المشاعر والصدمات... فكورس "بوصلة التشافي" هو خطوتك التالية! 🧭✨ https://mahahabash.com/sales-page
