010 - Aurélien Abbadie / Averòn, Marquisat de Bigòrra

Uei que soi urós brave monde. A maugrat deus chepics, a maugrat d’ua santat de qui flaqueja e a maugrat de las batestas deja pergudas. Que soi urós com un mainat en pr’amor d‘un sovier d’un veire de vin, d’un gatòt sus la taula e de la canta de las garias. Averòn, canton d’Aussun, dens la maison Escraus. Un òmi gualhard que tira la pòrta sense lo mendre arríder. E jo, praube de tu, que’m prepari au piri. E que serà lo miélhor. Ua montanha de simpatia que m’arcuelha, que vos arcuelha uei au parat d’aquera emission. Aurelien Abbadie, paisan d’Averòn.