Tập 5- Khandhasuttaṃ - Hộ Kinh Khandha (phần ôn tập)

Sabbāsīvisajātīnaṃ, dibbamantāgadaṃ viya;

Yaṃ nāseti visaṃ ghoraṃ, sesañcāpi parissayaṃ. 

Aṇākkhettamhi sabbattha, sabbadā sabbapāṇinaṃ;

Sabbassopi nivāreti, parittaṃ taṃ bhaṇāma he.  

1. Virūpakkhehi me mettaṃ, mettaṃ erāpathehi me;

chabyāputtehi me mettaṃ, mettaṃ kaṇhāgotamakehi ca. 

2. Apādakehi me mettaṃ, mettaṃ dvipādakehi me.

catuppadehi me mettaṃ, mettaṃ bahuppadehi me. 

3. Mā maṃ apādako hiṃsi, mā maṃ hiṃsi dvipādako 

mā maṃ catuppado hiṃsi, mā maṃ hiṃsi bahuppado. 

4. Sabbe sattā sabbe pāṇā, sabbe bhūtā ca kevalā; 
sabbe bhadrāni passantu, mā kañci pāpamāgamā. 

5. Appamāṇo buddho, appamāṇo dhammo; 

appamāṇo saṅgho, pamāṇavantāni sarīsapāni;

ahi vicchikā satapadī, uṇṇanābhī sarabū mūsikā.  

6. Katā me rakkhā, kataṃ me parittaṃ, paṭikkamantu bhūtāni.

sohaṃ namo Bhagavato, namo sattannaṃ sammāsambuddhānaṃ. 

Khandhasuttaṃ niṭṭhitaṃ.