Bài 1- Paritta Parikamma (Phần ôn tập)

PARITTA PARIKAMMA

Samantā cakkavāḷesu, atrāgacchantu devatā;

saddhammaṃ munirājassa, suṇantu saggamokkhadaṃ.

Dhammassavanakālo ayaṃ bhadantā. (3 lần)

Namo tassa Bhagavato Arahato Sammāsambuddhassa. (3 lần)

Ye santā santa-cittā, tisaraṇa-saraṇā, ettha lokantare vā;

bhummābhummā ca devā, guṇagaṇagahaṇa-byāvatā sabbakālaṃ.

Ete āyantu devā, vara-kanaka-maye, merurāje vasanto;

santo santosa-hetuṃ, munivara-vacanaṃ, sotumaggaṃ samaggaṃ.

Sabbesu cakkavāḷesu, yakkhā devā ca brahmano;

yaṃ amhehi kataṃ puññaṃ, sabba-sampatti-sādhakaṃ.

Sabbe taṃ anumoditvā, samaggā sāsane ratā;

pamāda-rahitā hontu, ārakkhāsu visesato.

Sāsanassa ca lokassa, vuḍḍhī bhavatu sabbadā;

sāsanampi ca lokañca, devā rakkhantu sabbadā.

Saddhiṃ hontu sukhī sabbe, parivārehi attano;

anīghā sumanā hontu, saha sabbehi ñātibhi.

Rājato vā corato vā, manussato vā amanussato vā

aggito vā udakato vā, pisācato vā khāṇukato vā

kaṇḍakato vā nakkhattato vā

janapadarogato vā asaddhammato vā

asandiṭṭhito vā asappurisato vā

caṇḍa-hatthi-assa-miga-goṇa-kukkura-ahi-vicchikka-maṇisappa-dīpi-

accha-taraccha-sūkara-mahiṃsa-yakkha-rakkhasādīhi

nānā-bhayato vā, nānā-rogato vā

nānā-upaddavato vā, ārakkhaṃ gaṇhantu.