ابنك مش فاهم الجمع؟ جربي الطريقة دي بالأقلام ✏️

لو ابنك لسه بيتعلم يعني إيه جمع، بلاش نبدأ معاه بالأرقام وعلامة + على طول.

جربي تجيبي طبقين من البيت وتحطي في واحد قلمين، وفي التاني 3 أقلام.

وقولي له:
«عايزين نخلي الأقلام دي كلها مع بعض في طبق واحد.»

خليه هو ينقلهم ويجمعهم، وبعدها يعدهم بنفسه.

لما يوصل لـ5، ساعتها نبدأ نقوله:
كان عندنا 2، وزودنا عليهم 3، فبقوا 5.

يعني: 2 + 3 = 5.

الفكرة إن الطفل يشوف الجمع ويحركه بإيده الأول، وبعدها ياخد الرمز الرياضي.

مش الهدف إنه يحفظ المسألة… الهدف إنه يفهم إيه اللي حصل فعلًا. 🤍

#على_قد_عقلنا, #الجمع, #تعليم_الجمع, #تعليم_الأطفال, #تأسيس_رياضيات, #رياضيات_للأطفال, #مذاكرة_الأطفال, #المذاكرة_والتعليم, #تعليم_الأطفال_في_البيت, #أنشطة_للأطفال, #KidsMath, #MathForKids, #KidsLearning, #EarlyMath, #Homeschooling