غلطة صغيرة… ليه الطفل يقول: مش بعرف؟

لما الطفل يغلط في سؤال، أو يحاول يعمل حاجة وما تنجحش من أول مرة، ممكن بدل ما يحاول تاني يقول فجأة: «أنا مش بعرف».

بس هو فعلًا مش عارف؟ ولا الغلطة دي خلّته يشك في قدرته، أو يتردد إنه يكمّل؟

مش كل طفل بيقول «مش بعرف» بيكون حاسس بنفس الحاجة، وعشان كده ردّنا مش لازم يبدأ بإقناعه إنه يقدر وخلاص. أحيانًا محتاجين نفهم الأول: إيه اللي حصل في اللحظة دي؟ وإيه اللي خلّاه يقف عند الغلطة بدل ما يكمّل؟

في الحلقة السادسة من سلسلة «هو ليه؟» من «على قد عقلنا»، بنقرب من اللحظة دي ونشوف إزاي نفصل بين الغلطة اللي حصلت، والحكم اللي الطفل ممكن يطلعه على نفسه.

لأن هدفنا مش إن الطفل ما يغلطش؛ هدفنا إنه يقدر يفهم اللي حصل، ويعرف إن غلطة واحدة مش حُكم نهائي على قدرته.

حصلك قبل كده إن طفلك يغلط غلطة بسيطة، وبعدها يقول: «مش بعرف» ويرفض يكمّل؟

#على_قد_عقلنا, #هو_ليه, #تربية_الأطفال, #تعليم_الأطفال, #ثقة_الطفل_بنفسه, #التعلم_من_الأخطاء, #فهم_سلوك_الطفل, #الأمومة, #Parenting, #ParentingTips, #ChildDevelopment, #ChildLearning, #GrowthMindset, #LearningFromMistakes, #HelpingKidsLearn, #PositiveParenting