صلة الرحم… لما يكون القُرب مؤذيًا والبُعد مش قطيعه💔

صلة الرحم من أكتر العلاقات اللي بنحس فيها إن مفيش مساحة للاختيار

“دول أهلك”

“مهما حصل لازم تفضل قريب”

لكن هل كل بُعد عن الأهل معناه قطيعة؟ وهل كل قرب منهم معناه إن العلاقة صح؟

في الحلقة دي بنتكلم عن صلة الرحم من زاويتين مختلفتين

عن الأب والأم اللي ممكن من غير قصد يكونوا سبب في تفريق أولادهم عن بعض بالمقارنة أو التفضيل أو نقل الكلام

وعن الأبناء اللي أحيانًا بيكون البُعد اختيار منهم رغم إن مفيش أذى حقيقي يستدعيه

وبنتوقف عند مساحة حساسة جدًا بين صلة الرحم وحماية النفس

هل ممكن أبعد عن شخص بيؤذيني من غير ما أكرهه أو أتمنى له الشر؟

وهل وضع الحدود معناه قطيعة؟

وهل الإنسان مطالب إنه يفضل يعطي مهما استُنزفت طاقته؟

لأن صلة الرحم مش معناها إننا نعيش جنب بعض مهما حصل

ومش معناها كمان إن أول وجع يبقى مبرر للقطيعة

يمكن المسألة أعمق من كده

يمكن تقدر تبعد بجسمك لكن قلبك يفضل واصل

تسأل وتدعي وتتمنى الخير

من غير ما تسمح للأذى إنه يهدمك

حلقة عن الرحمة والعدل والحدود

عن الأهل والأبناء

وعن الفرق بين إنك تحمي نفسك وإنك تعاقب غيرك

لأن أحيانًا

البُعد مش قطيعة… والقرب مش دايمًا رحمة.

#بين_السطور #إيمان_هاشم #صلة_الرحم #العلاقات #الأسرة