Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! HEBDÓMADA PAPAE” NOTÍTIAE VATICÁNAE LATÍNE RÉDDITAE Die primo mensis Augústi anno bismillésimo vicésimo sexto TÍTULI Die domínica sexta et vicésima mensis Iúlii Angélicae Precatiónis témpore Leónis quarti décimi verba: cum Deus convénitur “vita dilatátur”. Die vicésimo séptimo mensis Iúlii aestívis fériis Arce Gandúlfi impósuit finem Póntifex ipséque in Civitátem Vaticánam remigrávit. Die Mercúrii praetérito ad precatiónem fraternitatémque una convéntum est, Leóne quarto décimo Papa rectóre, apud Burgum Laudato si’. Salútem plúrimam ómnibus vobis auscultántibus núntios Latínos dicit Eugénius Murrali. NOTÍTIAE Die praetérita Domínica, cum in Libertátis Plátea Angélica Precátio dicerétur, de perículis mónuit Leo cuiúsdam mercátus qui “palátum immútat” ac non sáturat. Catharína Agorelius lóquitur. “Dei Regni mystérium apud Iesu doctrínam praecípuum óbtinet locum, quod margarítae ac thesáuro cómparat Evangélium (cfr Mt 13,44-52), asséruit Leo Papa, evangélicum locum éxplicans ante Angélicam Precatiónem dicéndam. Pondus éxtulit Póntifex “donum margarítae magni prétii discernéndae, thesáuri agnoscéndi, cuius cáusa ómnia véndere iuvat. Cum rerum consumendárum fábrica nobis palátum immútat, novas usque cóncitans necessitátes, fructus deínceps nobis vendunt qui nobis non sáturant”. Angélica Precatióne dicta, Leo quartus décimus quaedam de Terra Sancta enuntiávit: “Ut políticum foedus feriéndum restituátur, quod in pari dignitáte aequísque cuiúsque hóminis iúribus nitátur, necnon nova mílitum coepta atque uníus partis deliberatiónes repellántur, nominátim quae observántiam et locórum sanctórum cuiúsque religiósae confessiónis condiciónes víolant”. Die séptimo et vicésimo mensis Iúlii Arcis Gandúlfi Palátium Apostólicum Póntifex réliquit, post aestívas actas férias, Civitátem Vaticánam petítum. Lauréntius De Cesaris lóquitur. Arcis Gandúlfi deséruit sedem Leo quartus décimus, in qua a die quinto mensis Iúlii mansit. Vigínti tres dies íbidem commoratiónis precándo, legéndo atque lúdicra léviter exercéndo, exégit. Praeter quam quod ter domínica die fidéles convénit, Angélicam dicens Precatiónem, duábus quoque rebus geréndis dedit óperam Leo Papa, vidélicet in pontifíciis hortis Arcis Gandúlfi, die undécimo mensis Iúlii, prandit cum ducéntis tenuióris órdinis homínibus, atque die undevicésimo mensis Iúlii in Palátii Apostólici cavǽdio concéntui músico intérfuit, quem Albanénsis dioecésis comparávit. Ter quoque éxiit Póntifex ob privátas visitatiónes: die vicésimo mensis Iúlii abbatíam Benedictínam Montis Cassíni, die áltero et vicésimo mensis Iúlii Sanctuárium Sanctíssimae Trinitátis Vallispétrae necnon Sublacénsia monastéria Sancti Benedícti et Sanctae Scolásticae visit. NOTÍTIAE BREVÍSSIMAE Die undetricésimo mensis Iúlii in Arcis Gandúlfi Pontificiárum Villárum hortis “Pacis Cánticum” actum est, per precatiónem fraternitatémque, quas rexit Leo quartus décimus Papa, quod Altae Institutiónis Laudato si’ Sedes et Opus Fundátum Andréas Bocelli comparavérunt. Incéptum octávo centenário sancti Francísci Assisiénsis tránsitus coniúngitur. Per núntium quendam a Petro cardinále Parolin subsignátum, ad partícipes missum séptimi Seminárii internationális de Ecclésiae communicatióne, diébus vicésimo séptimo et duodetricésimo mensis Iúlii acti in studiórum cathólica universitáte Sancti Iacóbi in Chília, Leo quartus décimus est ortátus “ad communicatiónem promovéndam quae, novis facultátibus exstántibus per technológicum progréssum oblátis, hóminum dignitátem tuéri váleat”. Haec habúimus quae dicerémus, eventúra próxima hebdómada narrábimus. Valete! ### „HEBDÓMADA PAPAE“ DIE VATIKANISCHEN NACHRICHTEN AUF LATEIN Am ersten Tag des Monats August im Jahr 2026 TITEL
Am Sonntag, dem 26. des Monats Juli, zur Zeit des Angelusgebets die Worte Leos XIV.: Wenn Gott begegnet wird, „wird das Leben geweitet“. Am 27. Tag des Monats Juli setzte der Papst den Sommerferien in Castel Gandolfo ein Ende und kehrte selbst in die Vatikanstadt zurück. Am vergangenen Mittwoch ist zur Gebetsgemeinschaft und Brüderlichkeit zusammengekommen worden, unter der Leitung
