Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! HEBDÓMADA PAPAE” NOTÍTIAE VATICÁNAE LATÍNE RÉDDITAE Die vicésimo séptimo mensis Iúnii anno bismillésimo vicésimo sexto
TÍTULI Ex Generáli Audiéntia die quarto et vicésimo mensis Iúnii Pontíficis verba: Sacra Eucharístia contra divisiónes distrahéntes remédium. Librária Editoría Vaticána centésimum recénset annum, cuius scriptóribus ait Leo quartus décimus: “Vobis nos indigémus, dum scríbitur véritas effícitur”. Leo quartus décimus Románam sedem visit Incépti Terrárum Orbis Aléndi. Salútem plúrimam ómnibus vobis auscultántibus núntios Latínos dicit Eugenius Murrali.
NOTÍTIA 1 Christi mensam communicáre sibi vult “Dei Verbo formári, relaxári”, “grátias ágere”, effátur Leo quartus décimus Audiéntiae Generális témpore, cum quarta catechésis enodátur de Constitutióne Sacrosánctum Concílium. Alexánder De Carolis refert. “De eucharístico mystério” fit sermo, dum Leo quartus décimus quartam catechésim éxplicat ad Sacrosánctum Concílium attinéntem, quae est Constitútio Concílii Oecuménici Vaticáni secúndi eáque sacrae litúrgiae dicátur. In Generáli Audiéntia apud Forum Petriánum de sacra Eucharístia participánda est locútus Póntifex: “Cum Christo incorporámur, Eucharístia nos docet ut eándem vivéndi ratiónem adhibeámus, qua ipse usus est Dóminus Iesus, cum sui fit gratúitum donum”. Rursus Póntifex: “Donum hoc éfficit ut unitátis ídeo vim adipiscámur, ex quo válidum remédium obtinétur contra divisiónum stúdia, quae nostrum terrárum orbem in discrímen addúcunt”. Post catechésim, Polónos fidéles salútans, ad adolescéntes potíssimum se convértit Leo Papa: “Fériae requiétis sunt tempus necnon signórum Dei requirendórum per creáti pulchritúdinem. Ex hac re lucra fácite, ut ad Sanctam Missam, Dei Verbum meditándum, spiritáles recéssus, peregrinatiónes, necessários conveniéndos studiósius accedátur”. NOTÍTIA 2 Die eódem vicésimo quarto mensis Iúnii scriptóres in audiéntiam recépit Póntifex, cum recenserétur centenária memória a Librária Editoría Vaticána cóndita, qui Páuli sexti verba iterávit: “Vobis indigémus”. Refert Márius Galgano. “Veritátis, revelatiónis actus”, “humanitátis gestus”, scriptúra quaedam “quae cum Deo coniúngitur”. Verba sunt curióse selécta, sémina nempe fructum feréntia quae in Páuli sexti Áula enuntiávit Póntifex, qui ómnium géntium recépit scriptóres, Libráriae Editoríae Vaticánae centenária interveniénte memória. Ex quibus Ioánnes Fosse, Mariléna Robinson, Elisabétha Strout, Erícus-Emmánuel Schmitt, Mircea Cărtărescu, Iúlia Navarro, Iónathas Safran Foer, Henrícus Brizzi, Colum McCann, Assaf Gavron annumerántur. “Vobis nos indigémus”, asséruit Leo quartus décimus, verba réferens quae artifícibus anno millésimo nongentésimo sexagésimo quarto edíxit Páulus sextus. Et contínuo ipse: “Vestra inventióne, vestra narrándi vi, vestra acri cogitatióne. His quidem indigémus ad libertátis veritatísque loca reperiénda, intra quae, divína grátia effíciat ut consolatiónis pacísque promíssum personáre possit”.
NOTÍTIAE BREVÍSSIMAE Die áltero et vicésimo mensis Iúnii, Leo quartus décimus Románam sedem visit Incépti Terrárum Orbis Aléndi. Suo ex sermóne rerum factárum proventuúmque magnitúdinem éxtulit quae praeter ratiónem cum paupertátis locis coniungúntur. Áddidit ipse quod hódie bella magis “alúntur” quam hómines. Leo quártus décimus ante hanc Institutiónem Sedem Aestívam invísit quae “Aestas Púeri” appellátur in Civitáte Vaticána isque iúvenes est hortátus ne a technológia pénderent, quóniam telephoníolum non vult intuéri Deus: nostra corda vult Deus cérnere”. Haec páucis verbis, cétera nova, próxima hebdómada. Valéte! ### Hier ist die deutsche Übersetzung der Vatikan-Nachrichten in lateinischer Sprache, mit besonderem Augenmerk auf die korrekte theologische und kuriale Terminologie (wie Generalaudienz, Konstitution Sacrosanctum Concilium, Eucharistisches Mysterium, Heiliger Stuhl etc.): „HEBDOMADA PAPAE“ (Die Woche des Papstes) VATIKANISCHE NACHRICHTEN IN LATEINISCHER SPRACHE Vom 27. Juni 2026 SCHLAGZEILEN
Aus der Generalaudienz vom 24. Juni – Die Worte des Papstes: Die Heiligste Eucharistie als Heilmittel gegen spaltende Trennungen. Die Vatikanische Verlagsbuchhandlung (Libre
