Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
“HEBDOMADA PAPAE” Notitiae Vaticanae Latine redditae 22 agosto 2026 TITULI Praetérita die domínica post Salutatiónem Angélicam addit Póntifex: cessent violéntiae in Palaestínos cives. Cantus, instruméntum communiónis; Leónis Papae Quarti Décimi catechésis in Audiéntia Generáli féria quarta hábita. Summi Pontíficis propínquitas erga náufragos in lacu Kariba. Ómnibus vobis salútem ex corde dicit Sílvia Guidi, quae vos laeta éxcipit núntios Latínos audiéntes. NOTITIA I Post Angélicam Salutatiónem, superióre die domínica Arce Gandúlfi recitátam, Summus Póntifex communitátem Natiónum mónuit, ne contentiónes neglígeret, quae in regióne citra Iordánem grassántur, sed vias pacis repériant. Lóquitur Rosárius Tronnolone. – Summus Póntifex violentiárum adiúncta, quae in Vicíno Oriénte, praesértim in regióne citra Iordánem adhuc perstant, siléntio non prǽterit. «Caríssimi fratres et soróres – ait Póntifex – íterum iterúmque implorámus, ut cessent violéntiae in Palaestínos cives in território citra Iordánem degéntes semel atque iterum illátae et communitátem Natiónum instánter expóscimus, quae óperam det, ut consílium de duábus Civitátibus progrediátur, ad aequam ac diutúrnam pacem assequéndam». Hanc supplicatiónem christifidéles Arce Gandúlfi in Plátea Libertátis congregáti claro excepérunt pláusu, quo ánimi sui participatiónem significavérunt. Leo Quartus Décimus moderatóres natiónum strénue hortátus est, ut óperam legatiónis impénsius promóveant atque efficáces ratiónes íneant ad dimicatiónes componéndas in regióne illa, tot contentiónibus vexáta. NOTITIA 2 Ex Audiéntiae Generális catechési féria quarta hábita, Leo Papa Quartus Décimus caput sextum Constitutiónis Sacrosánctum Concílium de música sacra evocávit, traditiónem músicam Ecclésiae extóllens, velut inaestimábilis prétii thesáurum. Plura Alexánder De Carolis refert. – Música, sícuti Leo Papa Quartus Décimus est effátus, pars est actiónis litúrgicae, non celebratiónis merum ornaméntum. In sacra litúrgia cantáre atque instruméntis músicis uti idem est atque oráre, cor próprium cum fratrum sororúmque córdibus et cum Deo concordáre, mystérium celebrándum actuóse participándo. Música praesértim afféctuus ratiónem oratiónis osténdit, perínde ac sanctus Augustínus affírmat: «Cantáre amántis est», scílicet cantáre próprium est eius qui amat. Cantus cor ad grátiam reserándam iuvat et communiónem fovet et per vocum consonántiam ad animórum coniunctiónem fert opem, differentias inter hómines súperans omnésque in laude cóngregans. Sic Ecclésiae fit epiphánia. NOTITIAE BREVIORES Leo Papa Quartus Décimus magno cum maeróre de casu navis vectóriae in lacu Kariba, in Zimbábua, dídicit. Defunctórum ánimas omnipoténtis Dei misericórdiae comméndans, per telegráphicum núntium ab Eminentíssimo Dómino Petro Cardinále Parolin, Secretário Status, subsignátum, dolorem ánimi sui ex corde significávit. Ómnibus calamitáte afféctis divína consolatiónis, sanatiónis ac fortitúdinis benefícia invocávit. Summus Póntifex Ludis Tarentínis ádfuit, quibus, usque ad diem tértium mensis Septémbris, complúres natiónes Áfricae, Ásiae atque Európae e regióne Mediterránea interérunt, quae athléticus sunt evéntus prophéticum fere ádvehens pacis fraternitatísque inter pópulos núntium. His ludis etiam Athlética Vaticána interérit, Consociátio quidem athlética ac polygýmnica officiális Sanctae Sedis. Haec referénda habúimus; nova próxima hebdómada tradémus. Valéte! **** Deutsche Übersetzung: Appell des Papstes nach dem Angelus am vergangenen Sonntag: Gewalt gegen palästinensische Zivilbevölkerung muss ein Ende haben Der Gesang als Instrument der Gemeinschaft; die Katechese von Papst Leo XIV. bei der Mittwochsaudienz Papst bekundet Nähe zu den Opfern des Fährunglücks auf dem Karibasee Herzlich willkommen, liebe Hörerinnen und Hörer, hier ist Silvia Guidi. Sie hören die neue Ausgabe unserer Nachrichtensendung in lateinischer Sprache. BEITRÄGE 1. Nach dem Mariengebet des Angelus, das am vergangenen Sonntag in Castel Gandolfo gebetet wurde, richtete der Papst einen Appell an die internationale Gemeinschaft, die anhaltenden Auseinandersetzungen im Westjordanland nicht zu ignorieren und Wege zum Frieden zu schaffen. Rosario Tronnolone berichtet. Der Papst schweigt nicht z
