Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! “HEBDÓMADA PAPAE” NOTÍTIAE VATICÁNAE LATÍNE RÉDDITAE Die décimo séptimo mensis Ianuárii anno bismillésimo vicésimo sexto TÍTULI Baptísmi sacraméntum, reconciliatiónis lucísque signum, demónstrat Leo quartus décimus, dum Angélica Salutátio dícitur, die domínica undécima mensis Ianuárii. Peculiáris annus iubiláris destinátur ad octingentésimum anniversárium annum celebrándum ex quo sanctus Francíscus in caelum remigrávit. Abúsuum calamitátem deplórat Póntifex. Salútem plúrimam ómnibus vobis núntios Latínos auscultántibus dicit Sílvia Guidi. NOTÍTIA 1 Die praetérita domínica, Angélicae Salutatiónis recitándae témpore, cum Tempus Ordinárium incoharétur, ad Baptísmum meditándum est hortátus Leo quartus décimus et ad Dei amóris consílium item respiciéndum de cunctis homínibus. Refert Eugenius Murrali. Trínitas omnis in história adest. Quod áccidit cum in Iordáne flúmine Iesus sivit ut baptizarétur: Spíritus Sanctus in Dei Fílium descéndit atque per Eum, salutáre donum ad hómines pérvenit. Quod nempe die undécimo mensis Ianuárii praetérito memorávit Póntifex ex Angélicae Salutatiónis catechési, post Baptísmum in Sixtíno sacéllo, vigínti infántibus, fíliis Vaticanórum ministrórum, tráditum. Haudquáquam mundum procul réspicit Deus, nostra vita, nostris malis nostrísque exspectatiónibus intáctis. Christus Redémptor id in se récipit quod est nostrum, peccátum item. Primum ex Sacraméntis signum est sacrum, quod in perpétuum nos comitátur. Ténebris offúsis, Baptísmus est lux, effátur Póntifex, in vitae contentiónibus est reconciliátio, in mortis hora caeli est iánua. NOTÍTIA 2 Per sollémnem ritum die décimo mensis Ianuárii actum in basílica Sanctae Maríae Angelórum in Portiúncula Assisiénsi, commemoratiónis annus incohátus est tránsitus sancti Francísci. Ex quo peculiárem annum iubilárem indíxit Leo quartus décimus Papa. Refert Márius Galgano. «Nostram sorórem mortem» die tértio mensis Octóbris anno millésimo ducentésimo vicésimo sexto in Portiúncula clamábat sanctus Francíscus, cum ei óbviam procéderet tandem pacátus. Octo sǽcula transiérunt ex quo Assisiénsis Paupérculus óbiit, qui salutáre Christi verbum in suórum témporum hóminum córdibus inscúlpsit, sicut Leo quartus décimus asseverávit per lítteras quasdam franciscáli famíliae transmíssas. Hoc témpore bellis funestáto, quae infiníta vidéntur, interióribus quidem socialibúsque discídiis signáto, quae diffidéntiam ac metum gignunt, loqui ipse pergit. Non quod quaedam artificióse solvénda prǽbeat, sed quod eius vita verum pacis fontem demónstret. Quod Franciscális rátio de pace sentit non communitáte inter hómines coartátur, sed totum creátum compléctitur, et id percéptum ex peculiári necessitáte hodiérnis tempóribus pérsonat. NOTÍTIAE BREVÍSSIMAE Pontíficis totus sermo est evulgátus, cum Consistórium ad finem perducerétur. De abúsuum calamitáte ipse est locútus, addens quod “víctimae saepenúmero obserátum óstium invenérunt, quas comitári debent próximi veríque pastóres”. In Generáli Audiéntia die Mercúrii, cum de catechésium série agerétur, Concílio Oecuménico Vaticáno secúndo dicáta, dissérere Póntifex coepit de Constitutióne dogmática Dei Verbum de Divína Revelatióne. Taurinénsis archidioecésis Pontífici osténdit “Avvolti”, ut Ítali aiunt, scílicet experiéntiam digitálem interactívam, quae éfficit ut síngulae Síndonis partículae in próprio telephoníolo perspiciántur. Haec háctenus, nova consequénti hebdómada narrabúntur. Valéte! ### 17. Januar 2026
DIE ÜBERSCHRIFTEN
Leo XIV. und das Sakrament der Taufe, Zeichen der Versöhnung und des Lichts, an das während des Angelusgebets am Sonntag, dem 11. Januar, erinnert wurde Ein besonderes Jubiläumsjahr zur Feier des 800. Jahrestags des Heimgangs von Franz von Assisi Der Appell des Papstes zur Plage des Missbrauchs
Ein herzliches Willkommen an alle von Silvia Guidi und willkommen zurück zur Nachrichtensendung in lateinischer Sprache.
DIE BEITRÄGE
Während des Angelusgebets am vergangenen Sonntag, zu Beginn der gewöhnlichen Zeit, lud Papst Leo XIV. dazu ein, über die Taufe und über den Plan der Liebe Gottes für die gesamte Menschheit nachzudenken. Der Beitrag von Eugenio Murrali. Die ganze Dreif
