Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! HEBDÓMADA PAPAE ”NOTÍTIAE VATICÁNAE LATÍNE RÉDDITAE Die décimo tértio mensis Iúnii anno bismillésimo vicésimo sexto TÍTULI Leónis quarti décimi in Hispániam iter ipsiúsque Mátriti sermónes conventúsque inter institutiónes subsidiáque communicánda. Barcinónem póstea Póntifex se cóntulit, ubi Iesu turrim expiávit quae Sacrae Famíliae basílicam supérstat. Ad Ínsulas Canárias proínde postréma itíneris státio, ad quarum moles migrántium multitúdo fíngitur, novam vitam peténtium. Salútem plúrimam ómnibus vobis núntios Latínos dénuo audiéntibus dicit Alexánder De Carolis. NOTÍTIAE Die sexto praetérito mensis Iúnii quartum apostólicum iter in Hispániam suscépit Leo quartus décimus, quem álacer studiosáque recépit Mátriti multitúdo, quocúmque se cóntulit ipse ac quaecúmque egit. Rosárius Tronnolone refert. Manus ultro citróque complectúntur Philíppus Rex Laetitiáque Regína et Póntifex, qui quidem humilióres hómines conveníre in receptiónis loco non praetérmisit. Primis huius itíneris diébus illíus Natiónis primóres institutionésque convénit Póntifex, ad unitátem hortans, mala cumuláta ímprobans, quosdam ampléctens, qui in Mátriti subúrbio locántur, ubi cotídie tenuióris ordínis hómines iuvántur. Quaedam dénsius est explétus Leo quartus décimus inter sexcénta mília iúvenum apud Pláteam de Lima, quos est adhortátus ad veritátem requiréndam quae manet ac voces repéllere quae illúdunt et mercántur. Idem de vivis dioecesánae communitátis víribus apud stádium Bernabeu, ut aiunt, cum impélleret “ad spiritálem curae artem discéndam”. Saepenúmero de pace atque de humánae dignitátis observántia est locútus Póntifex, qui coram Vírgine Almudénae postulávit ut dividéntes muri dirueréntur atque commúnio concordiáque proveherétur. Die nono mensis Iúnii post iter Matriténse finítum Catalóniam pétiit. Bárcino quoque magna cum ánimi affectióne Pontíficem recépit. Ex illis evéntibus convéntus cum iuvénibus, cum cárceris vínculis adstríctis, ac potíssimum luculénta in Sacrae Famíliae Basílica celebrátio praestans. Artúrus Lopez lóquitur. Perstrinxérunt pérdiu óculos quotquot die décimo mensis Iúnii noctu Barcinóne, splendéntibus lúcibus ad novam Sacrae Famíliae Iesu Turrim collustrándam, cuius altitúdo númerat centum septéndecim metra. Artis foci ac fúlgida volúcria instruménta effígiem in caelo finxérunt Antónii Gaudì, basílicae architécti, éaque magnópere permovérunt. Leo quartus décimus novam turrim expiávit atque Missae témpore áddidit quod qui in Iesum credit ínsimul bellum gérere nequit. Ántehac quaedam movéntia apud “páuperum cathedrálem” est expértus Póntifex, ecclésiam Barcinonénsem scílicet sancti Augustíni, ubi audívit illos qui in álios subsídia sunt testáti et illos qui adiuménta recepérunt. Tanti quoque fuit quod Póntifex in cárcere deténtos invísit apud Locum Detentiónis Brians unum, ut appellátur, quos ipse est cohortátus ut créderent se posse novam vitam recuperáre. Sérius coram Vírgine María Montiserráti, apud antiquíssimum Benedictinórum monastérium, orávit Leo quártus décimus ut “ódium spei pacíque céderet”. NOTÍTIAE BREVÍSSIMAE Sub horam décimam, quadragínta moméntis elápsis, diéi undécimi mensis Iúnii Leo quartus décimus tértiam sui itíneris confécit statiónem apud Ínsulas Canárias, petens statim Portum Arguineguin, illos convéniens qui migrántes recípiunt. Post clerum religiosósque convéntos, Missa celebrátur apud Magnae Canáriae Stádium atque postrídie tandem íterum convénit Leo Papa illos qui migrántibus subvéniunt, illas in ínsulas appúlsis. Satis est dictum, quae sunt futúra, narrábimus próxima hebdómada. Valéte omnes! ### HEBDÓMADA PAPAE „VATIKANISCHE NACHRICHTEN IN LATEINISCHER SPRACHE“ 13. Juni 2026 DIE SCHLAGZEILEN
Die Spanienreise von Leo XIV.: Reden und Treffen im Zeichen von Institutionen und Solidarität in Madrid. Anschließend reiste der Papst nach Barcelona, wo der Jesus-Christus-Turm über der Basilika Sagrada Família eingeweiht wurde. Die letzte Station der Reise führte auf die Kanarischen Inseln, an deren Kaien sich zahlreiche Migranten auf de
