Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! HEBDOMADA PAPAE Notitiae Vaticanae Latine redditae Die quinto mensis Iulii anno bismillesimo vicesimo quinto Tituli Póntifex instat, ut de ámbitus iustítia agátur. Vesánum esse in Ucraína bellum aútumat Leo Quartus Décimus. Póntifex ait: «parca via» est belli geréndi sínere pópulos fame períre. Salútem plúrimam ómnibus vobis auscultántibus núntios língua Latína prolátos dicit Maríus Galgano. Notitia I «In orbe terrárum, ubi fragilióres gravíssimos caeli status mutatiónum efféctus primi patiúntur, creatórum cura fídei quaéstio fit atque humanitátis». Hoc praecípuum est arguméntum núntii pro Die Mundiáli cum Prece pro Creatórum Cura, die primo mensis Septémbris anno bismillésimo vicésimo quinto recoléndo, quo necessitátem mémorat Póntifex, ut verba res sequántur. Refert Olga Sakun. ― Per scriptum, die áltero mensis Iúlii éditum, quaedam mundi loca consíderat Póntifex, ubi «silvae deléntur, solum pollúitur, biodivérsitas amíttitur» propter iniustítiam, inaequalitátem, aviditátem atque «ius Natiónum populorúmque violátum». «Terra nostra – scribit Ipse - in ruínam procúmbit». Augéscunt enim ex vi atque frequéntia extrémi natúrae evéntus, quos caeli status immutátio secúmfert, quam hóminum ópera indúcunt. Pontíficis sollicitúdo grávior fit, cum ipse recordátur «brevi ac diutúrno témpore efféctus exstáre humánae et oecológicae vastatiónis, quam bella ínferunt» atque ínsuper consciéntiam deésse natúrae vastatiónem «paupérrimos, ádvenas, deiéctos» praesértim affícere. Notitia II «Orámus, ut pax in pátria vestra quam primum conciliétur». His votis Pontíficis sermo ad epíscopos Sýnodi Ecclésiae Graecae-cathólicae Ucraínae ad finem est perdúctus, qui in audiéntiam sunt recépti. Refert Rosárius Tronnolone. ― «Vesánum bellum!». Leo Quartus Décimus Papa íterum deplorávit, ut sábbato praetérito iam fecit, bellum quod plus quam triénnium in Ucraína prodúcitur. «Quam primum rédeat in pátriam vestram pax»: haec est precátio, quam cum Synodi Ecclésiae Graecae-cathólicae Ucraínae sodálibus communicávit Póntifex, qui in Aulam Consistoriálem sunt recépti, explétis his diebus Romae labóribus suscéptis post iubilárem peregrinatiónem praetérito die duodetricésimo mensis Iúnii, cuius convéntus in Basílica Sancti Petri cum Pontífice fuit fastígium. Notitiae breviores Núntium Hispánica língua ad Institútum pro Cibo et Agricultúra misit Póntifex, quod hoc anno octuagésimum anniversárium a fundatióne récolit annum atque a die duodetricésimo mensis Iunii ad diem quartum mensis Iúlii quadragésimam quartam Conferéntiae sessiónem egit, quae eídem óperae praeest. Leo Quartus Décimus improbávit quod tot hómines famis causa péreant ac, «dum cives propter paupertátem debilitántur, polítici primóres ob morum depravatiónem prósperent». «Suffragári vobis properámus», asseverávit Leo Quartus Décimus Póntifex, in Audiéntiam Praésidem adiutorésque Consílii Conferentiárum Episcopórum Europaeórum recípiens apud privátam Bibliothécam Aédium Apostolicárum, sábbato praetérito die duodetricésimo mensis Iúnii. Haec Conferéntia – ut per núntium evulgátum innótuit – ex propínquo cum olim Cardinále Robérto Francísco Prevost, quondam Dicásterii pro Epíscopis Praefécto, est operátum, qui plúries Episcopórum Európae participávit convéntus, sed hic primus fuit públicus occúrsus Conferéntiae, postquam ad Summum Pontificátum ipse est evéctus. Haec dicénda habúimus, eventúra próxima hebdómada narrábimus. Valéte! ### 5. Juli 2025
DIE SCHLAGZEILEN
Der Papst: Dringende Maßnahmen für Umweltgerechtigkeit Leo XIV.: Sinnloser Krieg in der Ukraine Der Papst: Menschen hungern zu lassen ist eine „billige Art“, Krieg zu führen
Ein herzliches Willkommen von Mario Galgano und willkommen zu dieser Ausgabe der Nachrichten in lateinischer Sprache.
DIE BEITRÄGE „In einer Welt, in der die Schwächsten als erste unter den verheerenden Auswirkungen des Klimawandels leiden, wird die Sorge um die Schöpfung zu einer Frage des Glaubens und der Menschlichkeit“. So heißt es in der Botschaft zum Weltgebetstag für die Bewahrung der Schöpfung 2025 am 1. September, in der der Papst an die Notwendigkeit erinnert, den Worten Taten folgen zu lassen. Olga Sakun erzählt uns davon.
