Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! “HEBDÓMADA PAPAE” NOTÍTIAE VATICÁNAE LATÍNE RÉDDITAE Die vicésimo mensis Decémbris Anno Sancto bismillésimo vicésimo quinto TÍTULI Ex Audiéntia Generáli Leo quartus décimus hortátur ut “acre agéndi stúdium” repellátur quod illúdit et Dómini Nativitátem vacuefácit. Rursus Póntifex in Missa iubilári Captivórum: vénia et poenae remíssio tribuántur. Pontíficis verba de Sydneyénsi caede violentiáque in Congénsi Natióne. Vos omnes sermónem Latínum audiéntes ex corde salútat Alexánder De Carolis. NOTÍTIAE Opórtet Dómini Natívitas non viléscat per “mercatúram”, quod plerúmque fit in natalíciis festivitátibus. Leo quartus décimus in Generáli Audiéntia praetérito die séptimo décimo mensis Decémbris hac de re est in Petriáno Foro locútus, hoc arguméntum extóllens ipséque ibídem salútans innúmeros peregrinatóres, váriis linguis usus. Lóquitur Sílvia Guidi. Festívitas est paránda, scílicet Dómini Natívitas. At ne gestiámus permúlta comparáre quod veriórem sensum eiúsdem immínuit. Fere quíndecim mílibus hóminum Audiéntiam Generálem die Mercúrii praetérito participántibus, mónuit Póntifex ne Christi Natívitas “léviter” considerétur. Ne Dómini Natívitas vacuefíat ac fallácia exstet, ut tempus sumátur hortátur Leo quartus décimus, ut “cor nostrum promptum sit ac vigil Iesum oppériens”, “ut eius “amábilis praeséntia in perpétuum nostrae vitae nostríque cordis fiat thesáurus“. De praesépe comparándo ádditur quoque mónitum, ut haec translatícia consuetúdo verum sit Christi et iucúndum signum, qui “habitávit in nobis”. Die domínica quarta décima mensis Decémbris in sancti Petri Basílica Missae iubilári Captivórum praesédit Póntifex. Exóptat ipse ut ómnibus illis vera facúltas detur societátem rursus participándi, quamvis quaedam difficultátes in carcéribus ministrándis exstent. Refert Rosárius Tronnolone. “Nullus homo id est quod fecit. Iustítia semper ad vitam reparándam vergit”. Quod in Missae homília asseverávit Póntifex in postrémis Iubilǽi evéntibus, captívis dicáti. Mémorat Leo quartus décimus Portam Sanctam in Rebíbbiae cárcere patefáctam a Francísco Papa, praetérito anno, et is Anni Sancti spíritum revocávit, ex história qui est “annus grátiae”, quique “quandam véniam ac poenae remissiónem quadámtenus compléctitur”. Structurárum cónscii cum simus ac nímiae frequéntiae in tot carcéribus, Leo quartus décimus hortátur ut quaedam animóse suscipiántur ad deténtos iuvándos, ut “nemo péreat”. NOTÍTIAE BREVÍSSIMAE Pontíficis hebdómada ad pacem ac diálogum incitaméntis usque replétur. Unum Sydneyénsem caedem, quae die quarto décimo mensis Decémbris facta est, réspicit, ubi duo terróres quíndecim hómines necavérunt atque quadragínta vulnerárunt, cum festívitas Iudaeórum celebrarétur. “Satis de istis violéntiis contra Iudǽos! A córdibus nostris ódium est detrahéndum”, autumávit Leo quartus décimus, qui Angélicae Salutatiónis témpore die praetérita domínica ad diálogum instituéndum est adhortátus in orientáli parte Reipúblicae Democráticae Congénsis, ubi funéstae violéntiae admittúntur. “Música est ánimae locus quippe quae ad Deum admóveat”. Quod die tértio décimo praetérito mensis Decémbris dixit Póntifex in audiéntiam recípiens artífices atque Natalíciae Synphóniae paratóres. Quemádmodum música cotidiánam vitam comitátur, Dómini item Natívitas – addit Leo quartus décimus – planum facit Deum se ostendéntem haud “magnis scaenis” adhibére, “non se procul demonstráre, sed próximum se réddere”. Satis est dictum. Nova, próxima hebdómada. ### 20. Dezember 2025
DIE ÜBERSCHRIFTEN
Bei der Generalaudienz ruft Leo XIV. dazu auf, den „hektischen Aktivismus” zu vermeiden, der das Weihnachtsfest enttäuscht und aushöhlt. Die Messe des Papstes zum Jubiläum der Gefangenen: Amnestie oder Begnadigung sollen gewährt werden. Die Appelle des Papstes nach dem Massaker von Sydney und den Gewalttaten im Kongo.
Ein herzliches Willkommen an Sie alle von Alessandro De Carolis und willkommen zurück zur Nachrichtensendung in lateinischer Sprache.
DIE BEITRÄGE
Der Wert von Weihnachten, der nicht durch den „Markt” verwässert wird, der normalerweise mit den Weihnachtsfeiertagen einhergeht. Leo XIV. sprach darüber bei der Generalaudienz
