Segui i tuoi podcast preferiti, ascolta offline e in auto con CarPlay e Android Auto, e riprendi sempre da dove eri rimasto. Provala gratis.
Die deutsche Übersetzung siehe unten! “HEBDÓMADA PAPAE” NOTÍTIAE VATICÁNAE LATÍNE RÉDDITAE Die séptimo mensis Iúnii Anno Sancto bismillésimo vicésimo quinto
TÍTULI Die praetérito domínico familiárum, parvulórum, avórum ac senum actum est Iubilǽum. In Generáli Audiéntia die quarto mensis Iúnii parábola operariórum in vínea explicátur. Póntifex ad iúvenes: “Nolíte exspectáre, animóse respondéte Dómino vocánti”. Leo quartus décimus beátum cardinálem Iúlium Hossu, epíscopum Graeco-cathólicum, fídei mártyrem commemorávit. Salútem plúrimam ómnibus vobis auscultántibus núntios Latínos dicit Sílvia Guidi. NOTÍTIA 1 In Petriána Plátea, praetéritis Kaléndis Iúniis, iubilári missae pro famíliis praesédit Póntifex. Refert Márius Galgano. «Matrimónium non est praestábile quiddam, sed veri inter marem et féminam amóris rátio: totíus quidem amóris, fidélis ac fecúndi». Haec fecit verba Leo quartus décimus Kaléndis Iúniis in Iubiliári Missa familiárum, plane dicens quómodo amor hic «effíceret ut, ad Dei imáginem, vita tradi posset». Nos “ántequam vellémus vitam recépimus - addit Póntifex – . Hoc non tantum. Modo nati áliis ad vivéndum niti necésse habúimus, soli numquam effecissémus: álius quidam nos servávit, nos curatúrus, nostrum corpus, nostrum spíritum. Omnes ídeo nos vívimus ob communitátem, propter líberum liberánsque humanitátis vínculum ac mútuam curam. NOTÍTIA 2 Pontíficis catechésis séries, cuius arguméntum Iesus Christus spes nostra, prodúcitur. Die Mercúrii quarto mensis Iúnii Leo quartus décimus Generálem Audiéntiam egit. Catechésis arguméntum ex parábola elícitur in vínea operariórum. Refert Xavérius Sartre: “Sua in tértia Audiéntia Generáli de parábola perspícue disséruit Póntifex Dómini víneae operários conducéndos quaesitúri. Váriis diéi horis hómines condúcit atque eósdem denários cunctis adnúmerat: iniústus vidétur, sed Deus vult ut “quisque ad vivéndum necessárium hábeat atque “vitam plenam, aetérnam ac felícem”, effátur Leo quartus décimus. Apud Iesum “non datur per gradus distínctio, cor aperiénti ómnia Ipse tríbuit””. Mercátus locus est negotiórum, ubi scílicet émitur venítque afféctus quoque et dígnitas, áliquo lucro quǽsito – eláte dixit Póntifex-. Atque cum quis non aestimátur, agnóscitur, perículum adit se vendéndi primo offerénti. Dóminus áutem nos monet pluris esse nostram vitam, qui ad hoc detegéndum vult nos adiuváre. Iuvénibus potíssimum velim planum fácere – adiécit Póntifex – ne exspéctent, sed studióse Dómino respóndeant qui nos vocat in sua vínea ad operándum. Noli porro procrastináre, ágedum, quóniam liberális est Dóminus et numquam fálleris! Eius in vínea operándo, illi magni pónderis percontatióni responsúrus eris, quam intra te geris: qui est meae vitae sensus?”. NOTÍTIAE BREVÍSSIMAE Die áltero mensis Iúnii Papa Leo quartus décimus beátum cardinálem Iúlium Hossu, epíscopum Graeco-cathólicum fídei mártyrem, communistárum persecutiónis in Romanía témpore, commemorávit. Praetérito Lunae die per núntium quendam ad seminárium missum Dicastérii pro Láicis, Família et Vita, Leo quartus décimus est hortátus ut “familiárum piscatóres” essémus ad Dei lenitúdinem conveniéndam. Ex suo primo precatiónis propósito mensis Iúnii, Póntifex cunctos fidéles adhortátur ut unusquísque “consolatiónem ex personáli necessitúdine” cum Christo repériat, ita ut suum amórem áliis déferat. Satis est dictum, nova narrábimus próxima hebdómada. Étiam atque étiam valéte. ### 7. Juni 2025 DIE SCHLAGZEILEN
Letzten Sonntag: Das Jubiläum der Familien, der Kinder, der Großeltern und der Älteren Bei der Audienz am Mittwoch, 4. Juni, eine Meditation über das Gleichnis von den Arbeitern im Weinberg. Der Appell an die jungen Leute: „Wartet nicht, sondern antwortet mit Begeisterung auf den Herrn, der euch ruft“. Leo XIV. gedachte des seligen Kardinals Iuliu Hossu, griechisch-katholischer Bischof und Märtyrer des Glaubens
Ein herzliches Willkommen an Sie alle von Silvia Guidi und willkommen zurück zu den Nachrichten in lateinischer Sprache.
DIE BEITRÄGE
Am 1. Juni stand der Papst auf dem Petersplatz der Jubiläumsmesse für Familien vor. Der Beitrag von Mario Galgano: „Die Ehe ist kein Ideal, sondern der Kanon der wah
